[Orders of Insects]Gray, Thomas, 1716-1771Alexander HuberEditorGöttingen State and University Library, University of GöttingenHistoric BuildingPapendiek 14D-37073 GöttingenGermanyThomas Gray ArchiveTaylor Institution LibrarySt Giles'Oxford OX1 3NAUKinfo@thomasgray.orghttps://www.thomasgray.org/OxfordThis work is licensed under a Creative Commons Attribution-ShareAlike 3.0 Unported License.holograph MS in Linnaei Systema Naturae (Holmiae, 1758)
This e-text is part of the Primary Texts section of the Thomas Gray Archive.
XML created for the Thomas Gray Archive.
Spelling has been modernized throughout, except in case of conscious archaisms.
Contractions, italics and initial capitalization have been largely eliminated,
except where of real import. Obvious errors have been silently corrected,
punctuation has been supplied.
The editor would like to express his gratitude to the library staff of the
Göttingen State and
University Library (SUB Göttingen) for their invaluable assistance.
Library of Congress Name Authority File (LCNAF)text-indent: 1em;margin-bottom: 1em;text-align: center;text-align: right;text-align: left;display: inlinefont-style: italic;
[Orders of Insects]
[I. Coleoptera]
Alas lorica tectas Coleoptera jactant.*[Antennis clavatis]Serra pedum prodit Scarabaeum et fissile cornu.Dermesti antennae circum ambit lamina caulem,Qui caput incurvum timidus sub corpore celat.In pectus retrahens caput abdit claviger Hister.Occiput Attelabi in posticum vergit acumen.Curculio ingenti protendit cornua rostro.Silpha leves peltae atque elytrorum exporrigit oras.Truncus apex clavae, atque antennula Coccionellae.**[Antennis filiformibus]Cassida sub clypei totam se margine condit.Chrys'mela inflexa loricae stringitur ora.Gibba caput Meloe incurvat, thorace rotundo.Oblongus frontem et tenues clypei exerit orasTenebrio. Abdomen Mordellae lamina vestit.Curta elytra ostentat Staphylis, caudamque recurvam.***[Antennis setaceis]Tubere cervicis valet, antennisque Cerambyx.Pectore Leptura est tereti, corpusque coarctat.Flexile Cantharidis tegmen, laterumque papillae.Ast Elater resilit sterni mucrone supinus.Maxilla exerta est, oculoque Cicindela grandi.Bupresti antennae graciles, cervice retracta.Nec Dytiscus iners setosa remige planta.Effigiem cordis Carabus dat pectore trunco.Necydalis curto ex elytro nudam explicat alam.Curtum, at Forficulae tegit hanc, cum forcipe caudae.Depressum Blattae corpus, venterque bicornis.Dente vorax Gryllus deflexis saltitat alis.
II. [Hemiptera]
(Dimidiam rostrata gerunt Hemiptera crustam.Foemina serpit humi interdum: volat aethere conjux.)Rostro Nepa rapax pollet, chelisque. CicadaFastigio alarum et rostrato pectore saltat.Tela Cimex inflexa gerit, cruce complicat alas.Notonecta crucem quoque fert, remosque pedales;Cornua Aphis caudae et rostrum: saepe erigit alas;Deprimit has Chermes, dum saltat, pectore gibbo.Coccus iners caudae setas, volitante marito;Thrips alas angusta gerit, caudamque recurvam.
III. [Lepidoptera]
(Squamam alae, linguae spiram Lepidoptera jactant.)Papilio clavam et squamosas subrigit alas.Prismaticas Sphinx antennas, medioque tumentes;At conicas gravis extendit sub nocte Phalaena.
IV. [Neuroptera]
(Rete alae nudum, atque hamos Neuroptera caudae.)Dente alisque potens, secat aethera longa Libella.Cauda setigera, erectis stat Ephemera pennis.Phryganea elinguis rugosas deprimit alas;Hemerinusque bidens: planas tamen explicat ille.Et rostro longo et cauda Panorpa minatur.Raphidia extento collo setam trahit unam.
V. [Hymenoptera]
(At vitreas alas, jaculumque Hymenoptera caudae,Foemineo data tela gregi, maribusque negata.)Telum abdit spirale Cynips, morsuque minatur.Maxillas Tenthredo movet, serramque bivalvem;Ichneumon gracili triplex abdomine telum.Haurit Apis lingua incurva, quod vindicat ense.Sphex alam expandit laevem, gladiumque recondit.Alae ruga notat Vespam, caudaeque venenum;Squamula Formicam tergi, telumque pedestrem,Dum minor alata volitat cum conjuge conjux.Mutilla impennis, sed cauda spicula vibrat.
VI. [Diptera]
(Diptera sub geminis alis se pondere librant.)Os Oestro nullum est, caudaque timetur inermi.Longa caput Tipula est, labiisque et praedita palpis.Palpis Musca caret, retrahitque proboscida labris;Qua Tabanus gaudet pariter, palpis sub acutis.Os Culicis molli e pharetra sua spicula vibrat;Rostrum Empis durum et longum sub pectore curvat;Porrigit articuli de cardine noxia Conops;Porrigit (at rectum et conicum) sitibundus Asilus;Longum et Bombylius, qui sugit mella volando.Unguibus Hippobosca valet: vibrat breve telum.
[VII. Aptera]
(Aptera se pedibus pennarum nescia jactant)